Jafntefli á móti Litháum

Bo.	42	Bolungarvik Chess Club	Rtg	-	34	Panevezys Chess Club	Rtg	3 :3
19.1	IM	Gunnarsson Jon Viktor	2430	-		Pileckis Emilis	2472	1-0
19.2	IM	Thorfinnsson Bragi	2383	-		Beinoras Mindaugas	2434	0-1
19.3	FM	Arngrimsson Dagur	2392	-	IM	Starostits Ilmars	2480	½-½
19.4		Gislason Gudmundur	2328	-		Zickus Simonas	2315	1-0
19.5		Halldorsson Gudmundur	2251	-		Bucinskas Valdas	2325	0-1
19.6	FM	Einarsson Halldor	2264	-	IM	Zapolskis Antanas	2346	½-½

 

 Fín úrslit á móti sterkari sveit (þ.e.a.s. á pappírunum :) ).

 Það er betra að svíða heldur en að vera sviðinn eins og í gær. Jón Viktor sneri dæminu við í dag og sveið andstæðing sinn hægt og rólega.  Gummi Gísla sigraði sinn andstæðing glæsilega í Kóngsindverja eins og hans vörumerki er. Það borgar sig ekki að leyfa Gumma að tefla Kóngsindverjann með allt upp í loft, en það vissi Litháinn náttúrulega ekki :)  Dagur gerði jafntefli á móti mun sterkari andstæðingi. Halldór Grétar vann tvö peð og stýrði svo skákinni úr flækjum og tímahraki í betra hróksendatafl. Eitthvað fipaðist honum og lenti hann í því fyrir rest að bjarga hróksendatafli í jafntefli.

Sigur í viðureign gefur tvö stig og jafntefli eitt. Við erum því með 1 stig eftir tvær umferðir. Tefldar eru sjö umferðir.

Seinna í kvöld kemur í ljós á móti hverjum við teflum . Aðstæður á skákstað og hótelinu eru frekar slæmar, en við erum samt að aðlagast þeim. Nánast ekkert netsamband er á hótelunum (600 manns deila tveim heimilis ADSL-routerum :) ). Við komumst þó að því í morgun að best er að vakna snemma og geta þá verið í ágætis netsambandi uns hin liðin vakna. Það er þó væntanlega bara tímaspursmál hvenær þau fatta þetta. En við vöknum þá bara ennþá fyrr :) 360 manns tefla í karlaliðunum í litlum sal með lélega loftræstingu. Það er því hrikalega loftlaust í skáksalnum og verða menn að fara út fyrir salinn öðru hverju til að fá súrefni.