Taflfélag Bolungarvíkur

2.3.2014 | 23:10

Ágætis árangur á Íslandsmóti skákfélaga

Seinni hluta Íslandsmóts skákfélaga lauk nú á helginni og líkt og í fyrri hlutanum mættum við ekki með neina erlenda stórmeistara til leiks. A liðið var í 5. sæti eftir fyrri hlutann og í harðri baráttu við TR um það fjórða. Við settum markið þó enn hærra og ákváðum að gera atlögu að verðlaunasæti. Til þess að það myndi takast var þó ljóst að allt þyrfti að ganga upp, sérstaklega þar sem Halldór Grétar var fjarri góðu gamni. Við byrjuðum á að vinna Akureyringa 6-2 í 6. umferð og þó maður vilji oft meira var þó varla hægt að fara fram á stærri sigur gegn svo sterku liði. Kvöldið eftir lögðum við b lið TR með fullu húsi, þrátt fyrir að hvorki Jói Hjartar né Jón L hafi teflt í þeirri umferð. 14 vinningar af 16 komnir í hús en framundan var langur laugardagur. Íslandsmeistarnir í Víkingaklúbbnum unnu okkur örugglega 5,2-2,5 og þar sem hvorki TV né GMH gáfu neitt eftir að ráði var ljóst fyrir síðustu umferð að þriðja sætið væri úr sögunni. Í lokaumferðinni gerðum við jafntefli við TR a og enduðum hálfum vinningi fyrir ofan þau í fjórða sæti.

Í 2. deild var B liðið nokkuð fyrir ofan fallsæti en við áttum þó það sterkar sveitir eftir að við bjuggum okkur undir harða fallbaráttu. Og það byrjaði ekki vel, 5-1 tap á móti Skákfélagi Íslands sem mættu mun sterkari til leiks nú í síðari hlutanum. Bæði GMH c og TV b minnkuðu forskot okkar og ljóst að hver punktur myndi skipta máli. Í næst síðustu umferð gerðum við jafntefli við bronslið Hauka og vorum við mjög sáttir við það, enda stigalægri á nánast öllum borðum. Í lokaumferðinni mættum við GMH c í hreinni úrslitaviðureign um fall. Okkur dugði reyndar að fá 2 vinninga af 6 en þar sem andstæðingarnir höfðu mætt mjög sterkir til leiks um morguninn sáum við fram á að þurfa virkilega að berjast fyrir að ná þessum tveim vinningum. Raunin varð allt önnur. Algerlega nýtt lið hjá GMH mætti til leiks og það miklu veikara en liðið um morguninn. Fyrsta borðs maðurinn er t.d. stigalægri en sá sem var á sjötta borði um morguninn. Miðað við hvað var í húfi og hversu möguleikar GMH hefðu átt að vera góðir, er þetta einkennilegasta uppstilling á liði sem ég hef séð (með fullri virðingu fyrir þeim sem tefldu). Við nýttum okkur þetta vel með 4-2 sigri og enduðum í 5. sæti.

Þegar uppi er staðið erum við því sáttir við árangurinn þennan veturinn. A liðið náði fjórða sætinu og það var einfaldlega aðeins of erfitt að ná verðlaunum, sem við vissum eiginlega fyrir fram. Það voru þó örlítil vonbrigði hversu fljótt okkar menn misstu möguleika á áfanga en það var einnig vitað fyrir fram að mikið þyrfti til, til að slíkt myndi ganga upp. B liðið stóð sig frábærlega og miðað við hin margfrægu ELO stig hefði sveitin líklega átt að falla. En menn börðust allir sem einn og tefldu vel heilt yfir sem skilaði frábæru 5. sæti. Maður helgarinnar var án vafa Guðmundur Hallórsson. Skák hans gegn Magnúsi Kristinssyni í TR b var flugeldasýning út í gegn og svo lagði hann Magnús Örn að velli með svörtu. Frábær taflmennska hjá Guðmundi.

Tilraunaverkefninu með 10 lið í fyrstu deild er nú lokið. Ein megin röksemdarfærslan fyrir fjölguninni var sú að gera mótið áfangahæft. Enginn áfangi náðist þó og það hljóta að teljast vonbrigði hversu fáir voru í raun nálægt því að ná áfanga. Mér skilst að fyrir síðustu umferð hafi aðeins Halldór Brynjar átt möguleika á áfanga en hann hefði þá þurft að leggja stórmeistarann Henrik Danielsen að velli. [leiðrétt 03.03: Fjölnismaðurinn Henrichs var einnig í áfangaséns á móti van Kampen] Þessi útkoma er þó ekki skrítin í ljósi þess hversu þétt er teflt. Gríðarlegur getumunur var á liðunum og deildin skiptist í nokkur hólf. Víkingaklúbburinn vann mótið nokkuð örugglega þegar uppi var staðið, fallliðin tvö voru áberandi slökust og nokkuð mörg lið sigldu í raun lygnan sjó, bara á misjöfnum stað í töflunni. Til að undirstrika getumun liðanna þá telst mér til að 17 viðureignir hafi unnist með 7 vinningum eða fleiri. Tæplega 40% viðureigna. Að tefla á fimmtudögum gerir það erfiðara fyrir utanbæjarmenn að tefla, getur kostað auka frídag o.s.fr. sem ekki er alltaf hrist fram úr erminni. Einnig virðist mönnun liðanna verða erfiðari því margir veigra sér við að tefla svona margir skákir á stuttum tíma. Sérstaklega er þetta erfitt fyrir okkur lítt virku skákmennina eins og ég fékk sjálfur að kynnast í fyrri hlutanum. Einkennileg uppstilling GMH á móti okkur í lokaumferðinni, eins og ég rakti hér að ofan, virðist t.d. að mestu skýrast af miklum forföllum. Flestir sem teflt höfðu með c liðinu um morguninn tefldu með b liðinu seinni partinn. Þetta fyrirkomulag virðist því geta haft þannig áhrif á aðrar deildir að hugsanlega sé hægt að tala um skaðleg áhrif.

Fljótt á litið sýnist mér gallarnir við fyrirkomulagið fleiri en kostirnir. Að mínu mati er þó nauðsynlegt að fram fari opin og málefnaleg umræða um hvernig til hafi tekist. Aðalfundur Skáksambandsins hefur svo síðasta orðið.

Að lokum vil ég þakka öllum þeim sem komu að skipulagningunni og framkvæmdinni á mótinu. Það er ekki sjálfgefið að þetta gangi svona vel fyrir sig og að úrslit allra keppenda slegin inn í chess-results með þeim hraða sem við urðum vitni að. Takk fyrir okkur!

Guðmundur Magnús Daðason, formaður TB.

Árangur einstakra liðsmanna:

Jói H 1 af 3

Bragi 2,5 af 4

Jón L 1,5 af 2

Dagur 3 af 4

Jón Viktor 3 af 4

Gummi G 3 af 4

Gummi H 2,5 af 4

Magnús P 1,5 af 4

Guðni Stefán 2 af 4

Gummi D 2,5 af 3

Stefán 0,5 af 3

Unnsteinn 1,5 af 3

Sæbjörn 1,5 af 2

Magnús S 1 af 3

Gísli 1,5 af 3

Jónas 0 af 1

Bloggar | Breytt 3.3.2014 kl. 10:38 | Slóð | Facebook | Athugasemdir (0)

28.11.2013 | 21:23

Halldór Grétar vann á Strikinu

26. Bolvíkngaæfingin haldin hjá Daða

27.11.2013

	Nafn	Stig	1	2	3	4	5	6	7	Vinningar	SB	Stigabr.
1	AM Halldór Grétar Einarsson	2230	*	* 2	1 2	1 2	1 1	12	0 1,5	14,5	57	100
2	FM Guðmundur Halldórsson	2265	* 0	*	* 2	* 2	* 1	* 2	* 2	9	40,5	31
3	BM Magnús K Sigurjónsson	2160	0 0	* 0	*	0 ,5	,5 1,5	1 2	1 2	8,5	23,25	-5
4	Árni Ármann Árnason	1975	0 0	* 0	1 1,5	*	0 ,5	0 1	0 2	6	21,25	77
5	BM Daði Guðmundsson	2095	0 1	* 1	,5 ,5	1 1,5	*	0 0	0 ,5	6	31,5	-21
6	BM Stefán Arnalds	2075	0 0	* 0	0 0	1 1	1 2	*	0 1	6	17	-8
7	FM Guðmundur Magnús Daðason	2215	1 ,5	* 0	0 0	1 0	1 1,5	1 1	*	7	16	-28

GM: 15,5 AM: 13,5 FM: 10 BM:5,5

Fyrst var tefld einföld umferð og svo tvöföld umferð þegar Gummi Halldórs var kominn !

Árni Ármann náði sínu öðru BM normi.

Bloggar | Slóð | Facebook | Athugasemdir (0)

20.11.2013 | 18:21

Andri Áss og Þröstur með mikla yfirburði

25.Bolvíkingaæfingin haldin hjá GíslaTveir gestir frá GM Helli mættu20.11.2013

	Nafn	Stig	1	2	3	4	5	6	Vinningar	SB	Stigabr.
1	Andri Áss Grétarsson	2350	*	1	2	2	2	2	9	34	73
2	MM Þröstur Árnason	2315	1	*	1	2	2	2	8	30	39
3	AM Halldór Grétar Einarsson	2225	0	1	*	1	1	2	5	16,5	-7
4	FM Guðmundur Magnús Daðason	2205	0	0	1	*	1,5	1,5	4	11	-18
5	BM Stefán Arnalds	2075	0	0	1	,5	*	2	3,5	8	2
6	Gísli Gunnlaugsson	1875	0	0	0	,5	0	*	,5	2	-16

GM: 9 AM: 7,5 FM: 5,5 BM:3

Andri Áss náði sínum fyrsta GM áfanga og kláraði FM titilinn. Þröstur náði AM áfanga og kláraði FM titilinn.

Hraðskákæfingar | Slóð | Facebook | Athugasemdir (0)

5.11.2013 | 07:10

Magnús Pálmi með yfirburði á heimavelli

24. Bolvíkingamótið haldið hjá Magnúsi Pálma

3.11.2013

	Nafn	Stig	1	2	3	4	5	6	7	8	Vinningar	SB	Stigabr.
1	AM Magnús Pálmi Örnólfsson	2395	*	1,5	1,5	2	1	2	2	2	12	73	16
2	FM Guðmundur Halldórsson	2280	,5	*	1	2	1	0	2	2	8,5	49	-15
3	AM Halldór Grétar Einarsson	2215	,5	1	*	1	2	1	1	2	8,5	49	9
4	FM Guðmundur Magnús Daðason	2230	0	0	1	*	1	1,5	1,5	2	7	35,75	-24
5	Unnsteinn Sigurjónsson	2065	1	1	0	1	*	1	1	1,5	6,5	41,5	46
6	BM Magnús K Sigurjónsson	2205	0	2	1	,5	1	*	,5	1,5	6,5	40	-37
7	BM Stefán Arnalds	2035	0	0	1	,5	1	1,5	*	2	6	30,25	38
8	Gísli Gunnlaugsson	1910	0	0	0	0	,5	,5	0	*	1	6,5	-34

GM: 12,5 AM: 10,5 FM: 8 BM:4

Unnsteinn náði sínum fyrsta BM áfanga.

Hraðskákæfingar | Slóð | Facebook | Athugasemdir (0)

5.11.2013 | 07:06

Gummi Gísla kom í bæinn og sigraði örugglega

23. Bolvikingamótið haldið hjá Halldóri Grétari

30.10.2013

	Nafn	Stig	1	2	3	4	5	6	Vinningar	SB	Stigabr.
1	Guðmundur Stefán Gíslason	2320	*	2	1	2	1,5	1	7,5	35,25	28
2	Magnús K Sigurjónsson	2065	0	*	1	1,5	2	2	6,5	24,75	141
3	FM Guðmundur Halldórsson	2320	1	1	*	1	1	1	5	25	-39
4	FM Guðmundur Magnús Daðason	2250	0	,5	1	*	1	2	4,5	17,75	-20
5	AM Halldór Grétar Einarsson	2245	,5	0	1	1	*	1	3,5	16,25	-29
6	Gísli Gunnlaugsson	1825	1	0	1	0	1	*	3	16	85

GM: 9 AM: 7,5 FM: 5,5 BM:3

Gummi Gísla náði sínum fyrsta AM áfanga, Magnús Sigurjónsson sínum fyrsta FM áfanga og varð um leið bolvískur meistari.

Gísli Gunnlaugs náði sínum fyrsta BM áfanga

Hraðskákæfingar | Slóð | Facebook | Athugasemdir (0)

18.10.2013 | 20:40

Æfing 16.október 2013

22. Bolvíkingamótið haldið hjá Gumma Daða

16.10.2013

	Nafn	Stig	1	2	3	4	5	6	7	Vinningar	Stigabr.
1	AM Magnús Pálmi Örnólfsson	2380	*	0 1	½ 1	1½ 1	1 1	2 1	1	11	14
2	FM Guðmundur Halldórsson	2320	2 0	*	1 1	2 0	1 1	2 1	0	11	0
3	FM Guðmundur Magnús Daðason	2215	1½ 0	1 0	*	1 ½	2 0	2 1	½	9,5	37
4	BM Daði Guðmundsson	2105	½ 0	0 1	1 ½	*	2 0	1 0	½	6,5	12
5	Magnús K Sigurjónsson	2055	1 0	1 0	0 1	0 1	*	1 0	0	5	10
6	BM Stefán Arnalds	2035	0 0	0 0	0 0	1 1	1 1	*	0	4	-2
7	AM Halldór Grétar Einarsson	2240	0	1	½	½	1	1	*	4	11

GM: 14 AM: 11,5 FM: 8,5 BM:4,5

Magnús Sigurjóns náði sínum öðrum BM áfanga.

Teflt var í tvennu lagi, fyrst tvöföld umferð og svo bættist Halldór Grétar við og þá var tefld einföld lokaumferð.

Stigabreytingar gætu því virkað skrítnar, en skýrast af bónusum í annarri hvorri lotunni hjá sumum !

Hraðskákæfingar | Slóð | Facebook | Athugasemdir (0)

18.10.2013 | 20:38

Æfing 14.febrúar 2013

21. Bolvíkingamótið haldið hjá Magnúsi Pálma

14.02.2013

	Nafn	Stig	1	2	3	4	5	6	Vinningar	SB	Stigabr.
1	AM Magnús Pálmi Örnólfsson	2280	*	2,5	2,5	2	3	3	13	81	102
2	FM Guðmundur Halldórsson	2340	,5	*	3	1	3	2,5	10	57,75	-22
3	FM Guðmundur Magnús Daðason	2255	,5	0	*	2,5	1,5	2,5	7	39	-42
4	BM Daði Guðmundsson	2085	1	2	,5	*	2	1	6,5	50	19
5	BM Stefán Arnalds	2015	0	0	1,5	1	*	2,5	5	25,75	22
6	Árni Ármann Árnason	1990	0	,5	,5	2	,5	*	3,5	24	-4

GM: 13,5 AM: 11,5 FM: 8,5 BM:4,5

Hraðskákæfingar | Breytt s.d. kl. 20:40 | Slóð | Facebook | Athugasemdir (0)

15.10.2013 | 23:35

Íslandsmót skákfélaga 2013-2014 (haust)

Það má segja að þennan veturinn höfum við mætt til leiks með breytt lið en þó sama mannskap. Ákveðið var að tefla án útlendinga en íslenski mannskapurinn var nánast óbreyttur. Fengum þó Bolvíkinginn Einar Garðar Hjaltason til okkar sem var virkilega ánægjulegt. Við sáum fyrir okkur að Bragi, Dagur og Gummi Gísla ættu allir möguleika á áföngum með réttum andstæðingum og úrslitum. Þó var vitað að brekkan yrði ansi brött en í versta falli falli fá þeir sterkari andstæðinga og þar með skákir sem hæfa enn betur þeirra getu, sem hjálpar þeim í þeirri vegferð sem þeir eru í.

A liðinu gekk svona upp og niður. Við byrjuðum fantavel og unnum Vinafélagið 7,5-0,5. Síðan komu tvö töp í röð á móti GMH og TV en enduðum á sigrum á Fjölni og b liði GMH. Heilt yfir má segja að skákirnar hafi frekar dottið gegn okkur en með. Viðureignin á móti Vinafélaginu var líklega sú eina þar sem einhverjar skákir duttu með okkur en sérstaklega fórum við illa út úr viðureignum okkar á móti GMH. Eftir fyrri hlutann erum við í 5. sæti sem er í raun eðlilegt miðað við meðalstig liðsins. Um leið og vantar nokkra Íslendinga lendum við í að þurfa að setja formanninn inn á! Við gerðum okkur þó vonir um að geta barist um verðlaunasæti en líklega er það draumsýn ein héðan af.

Áfangaveiðurunum þrem hefði mátt ganga betur. Bragi á væntanlega ekki möguleika lengur á áfanga en Dagur og Gummi hanga rétt svo inni. Þeir þurfa þó væntanlega að ná fullu húsi, eða því sem næst, í seinni hlutanum til að fá áfanga. Brekkan er orðin enn brattari.

Svo skemmtilega vill til að B liðið er einnig í 5. sæti eftir þennan fyrri hluta. Ég fullyrði að 2. deildin er sú lang skemmtilegasta í deildakeppninni. Af 8 liðum falla tvö, tvö fara upp en helmingur er kyrr í deildinni. Liðin eru mjög jöfn og allir geta unnið alla. Og það er þannig að allir vinna alla. Öfugt við A liðið var slatti af skákum sem datt með B liðinu. Félagið er því kannski á núlli hvað þetta varðar. Svo ég monti mig aðeins þá náði ég að leggja Björgvin Jónsson að velli, önnur deildakeppnin í röð sem ég legg alþjóðlegan meistara að velli. Skákinni sjálfri mun ég þó aldrei monta mig af, heppnin var svo mikil að það hefði vel verið hægt að kæra úrslit hennar til mótanefndar. Með þessari glæpsamlegri heppni náðum við að vinna Reykjanesbæ og unnum einnig b lið TV. Töpuðum hins vegar á móti Garðabæ og Víkingaklúbbnum. Við bjuggumst við harðri fallbaráttu og þrátt fyrir að vera 3,5 vinningum frá falli (og 4 frá efsta sæti), er ljóst að slagurinn er langt í frá búinn. Tvö neðstu liðin eiga mikið inni. Það vantaði marga hjá TV og c lið GMH er með fáránlega fá vinninga miðað við styrk liðsins.

Menn fá misjafnlega marga vinninga eins og gengur og gerist. Stundum teflir maður eins og engill en svo alveg eins og rati næstu skák. Og stundum endurspegla úrslitin ekki taflmennskuna. Það sem þó einkennir okkur er liðsheild og allir taka punkta hér og þar. Númer 1, 2 og 3 höfum við gaman af þessu og mótið nær enn að halda sjarma sínum.

Guðmundur Daðason, formaður TB.

Árangur einstakra liðsmanna:

Jói H 1,5 af 3

Bragi 2 af 5

Jón L 1 af 2

Dagur 3,5 af 5

Jón Viktor 4 af 5

Gummi G 3 af 5

Halldór 2,5 af 5

Gummi H 1 af 2

Magnús P 2,5 af 5

Guðni Stefán 2 af 5

Gummi D 3,5 af 5

Stefán 1 af 3

Unnsteinn 2 af 4

Sæbjörn 0 af 1

Magnús S 3 af 4

Gísli 2 af 3

Einar Garðar 1,5 af 3

Bloggar | Slóð | Facebook | Athugasemdir (0)

6.2.2013 | 00:41

Guðmundur Halldórsson með AM áfanga

20. Bolvíkingamótið haldið hjá Daða

5.2.2013

	Nafn	Stig	1	2	3	4	5	6	7	8	Vinningar	SB	Stigabr.
1	FM Guðmundur Halldórsson	2315	*	1	1	1	2	1,5	2	2	10,5	61	23
2	AM Halldór Grétar Einarsson	2300	1	*	1	2	1	1	2	2	10	58,5	14
3	FM Guðmundur Magnús Daðason	2215	1	1	*	1,5	1,5	1	1,5	2	9,5	57,5	38
4	BM Sæbjörn Guðfinnsson	2065	1	0	,5	*	2	1	2	1	7,5	44,25	117
5	AM Magnús Pálmi Örnólfsson	2325	0	1	,5	0	*	2	2	2	7,5	36,75	-45
6	BM Daði Guðmundsson	2050	,5	1	1	1	0	*	1,5	1	6	38,75	34
7	Árni Ármann Árnason	2005	0	0	,5	0	0	,5	*	2	3	11,75	-14
8	BM Stefán Arnalds	2090	0	0	0	1	0	1	0	*	2	13,5	-77

Áfangar

SM: 12,5 AM: 10,5 FM: 7,5 BM: 4

Gummi Halldórs náði sínum fyrsta AM áfanga og Sæbjörn sínum fyrsta FM áfanga

Hraðskákæfingar | Breytt s.d. kl. 00:43 | Slóð | Facebook | Athugasemdir (0)

11.11.2012 | 12:08

Bolvískar skákir frá árinu 1933

Þegar ég var í Bolungarvík í vor, þá laumaði Geir Guðmunds til mín gömlu umslagi sem hann var búinn að eiga uppi á lofti hjá sér í mörg ár. Í umslaginu voru handskrifaðar skákir sem tefldar voru í Bolungarvík í desember árið 1933. Í þá daga skrifuðu menn skákirnar öðruvísi upp heldur en gert er í dag. Hver maður skrifaði bara sína leiki og stundum var ekki verið að taka það fram hvaða maður var færður.
Ég dundaði mér við að slá inn skákirnar og er afraksturinn í meðfylgjandi riti (pdf-skrá). Einnig er þarna pgn-skrá fyrir þá sem geta opnað slíkar skrár.

Frekari upplýsingar um sögu skákarinnar í Bolungarvík má nálgast í ritinu "Eitt lítið peð" sem Magnús Sigurjónsson gaf út árið 1986 og hægt er að nálgast með því að velja færsluflokkinn "Bolvísk skáksaga" hérna til vinstri á síðunni. Sjá einnig myndaalbúm sem heitir "Bolvískar skákir 1933".

Veljið skák (22 alls):