Guðmundur Gíslason og Henrik Danielsen gera atlögu að Íslandsmeistaratitlinum

 

Guðmundur Gíslason

 

Annar fulltrúi okkar Vestfirðinga í Landsliðsflokki á Skákþingi Íslands er Ísfirðingurinn Guðmundur Gíslason.  Landsliðsflokkurinn er haldinn í betri stofunni í hinni glæsilegu áhorfendastúku Kópavogsvallar. Gummi byrjaði brösulega, því þegar hann stökk úr vinnunni í Hraðfrystihúsi Gunnvarar í Hnífsdal og upp í bílinn sinn þá vildi ekki betur til en að bílinn bilaði eftir skamman akstur. Hann náði þó að redda sér öðrum bíl og náði áfangastað í höfuðborginni um  miðja nótt fyrir fyrstu umferðina. Illa sofinn og óundirbúinn fékk hann fína stöðu á móti alþjóðlega meistaranum Birni Þorfinnssyni. Björn er þekktur fyrir að vera bestur þegar staða hans er slæm og náði hann að snúa á okkar mann og landa sigri.

 

Henrik Danielsen

 

Í næstu umferð mætti Gummi hinum fulltrúa Vestfjarða, stórmeistaranum Henrik Danielsen sem búsettur er á Patreksfirði milli þess sem hann ferðast um heiminn teflandi á alþjóðlegum skákmótum. Henrik kann mjög vel við sig á Patreksfirði þar sem hann á hús. Húsið hefur Henrik innréttað smekklega með mikilli hagsýni, því stórmeistaralaunin eru ekki há.  Þetta var því einskonar einvígi um Vestfjarðameistaratitilinn. Reynsla stórmeistarans var sterkari en eldhugur áhugamannsins og Henrik landaði öruggum sigri og var búinn að vinna báðar fyrstu skákirnar sínar á meðan að Gummi hafði tapað báðum sínum.

Með bilaðan bíl og tvö töp á bakinu var ekkert annað fyrir Gumma en að spíta í lófana, horfa út á fótboltavöllinn og sýna sunnanmönnunum í tvo heimana. Tveir vinningar komu í næstu tveim umferðum hjá honum og síðan jafntefli á móti stórmeistarnum Þresti Þórhallssyni. Henrik teflir líka vel og er taplaus og í efsta sætiþegar þetta er skrifað og fimm umferðir af ellefu búnar. Mótið í ár fer vel af stað og sjaldan hefur keppnin verið jafnari. Ellefufaldur Íslandsmeistari Hannes Hlífar Stefánsson hefur t.d. tapað tveim skákum í fyrstu fimm umferðunum.

Aðrir félagar í Taflfélagi Bolungarvíkur sem tefla í Landsliðsflokki eru: Þröstur Þórhallsson, Bragi Þorfinnsson, Stefán Kristjánsson og Dagur Arngrímsson  (Henrik teflir reyndar með Vestmannaeyjingum!). Okkar menn raða sér í efstu sætin í byrjun móts.

Staðan í Landsliðsflokki:

Röð				Stig	1	2	3	4	5	6	7	8	9	10	11	12	Vinningar
1		GM	Danielsen Henrik	2504	*			½				1	½		1	1	4.0
2		GM	Thorhallsson Throstur	2398		*	½	1		½	1	½					3.5
3		IM	Thorfinnsson Bragi	2421		½	*		½				1	½		½	3.0
4		GM	Kristjansson Stefan	2500	½	0		*	1				0			1	2.5
5		FM	Bjornsson Sigurbjorn	2393			½	0	*	1	0			1			2.5
6		IM	Arngrimsson Dagur	2361		½			0	*	1			0	1		2.5
7		GM	Stefansson Hannes	2531		0			1	0	*		½	1			2.5
8			Gislason Gudmundur	2346	0	½						*	1		0	1	2.5
9		FM	Kjartansson David	2305	½		0	1			½	0	*				2.0
10		IM	Kjartansson Gudmundur	2357			½		0	1	0			*	½		2.0
11		IM	Thorfinnsson Bjorn	2416	0					0		1		½	*	0	1.5
12			Jensson Einar Hjalti	2245	0		½	0				0			1	*	1.5

 

Heimasíða mótsins: http://skaksamband.is/?c=webpage&id=546

Daglegar fréttir á skák.is: http://skak.is

Taflfélag Bolungarvíkur Íslandsmeistari í fjórða sinn

A-sveit Taflfélags Bolungarvíkur vann öruggan sigur í Íslandsmóti Skákfélaga sem lauk á Selfossi fyrstu helgina í mars.  B-sveit félagsins háði harða fallbaráttu í sömu deild og náði naumlega að halda sér uppi með jafntefli í síðustu skák keppninnar.

 

 Taflfélag Bolungarvíkur, Íslandsmeistarar Skákfélaga 2012

 

 

Erlingur Þorsteinsson Fjölni að tefla á móti Arnari Þorsteinssyni Mátum (Akureyringar búsettir í Reykjavík). Á sama tíma var Stefán Arnalds í B-sveit TB að tafli á móti Páli Agnari Þórarinssyni úr Taflfélagi Vestmannaeyja. Þetta voru tvær síðustu skákirnar í viðureignunum. Ef Stefán tapaði eða að Arnar ynni þá myndi TB falla, en Mátar myndu halda sæti sínu.  Stefán gerði jafntefli í sinni skák og Arnar stóð betur í skák sinni á móti Erlingi. Ef Arnar hefði unnið þá hefðu þrjár sveitir orðið jafnar í fallsæti með 22 vinninga: Skákfélag Akureyrar, TB B-sveit og Mátar. SA hefði orðið í 5.sæti og Mátar hefðu tekið 6.sætið af okkur Bolvíkingum vegna þess að þeir unnu okkur í innbyrðis viðureign. En sem betur fer fyrir okkur þá náði Eringur að halda jafntefli og við sluppum við fall.

En C-sveitin okkar slapp ekki jafn vel, því þeir féllu úr þriðju deild í þá fjórðu.

Lokastaðan í 1.deild

Röð		+	=	-	Vinningar
1	Taflfélag Bolungarvíkur A-sveit	6	0	1	42.5
2	Taflfélagið Hellir A-sveit	3	2	2	35.0
3	Taflfélag Vestmannaeyja A-sveit	5	0	2	34.0
4	Taflfélag Reykjavíkur  A-sveit	5	0	2	32.5
5	Skákfélag Akureyrar A-sveit	3	0	4	22.0
6	Taflfélag Bolungarvíkur B-sveit	2	1	4	22.0
7	Mátar	1	2	4	21.5
8	Fjölnir A-sveit	0	1	6	14.5

 Árangur liðsmanna Taflfélags Bolungarvíkur:

1.deild

			Stig	Land	Vinningar	Skákir	Frammistaða
1	GM	Van Wely Loek	2689	NED	1.5	3.0	2540
2	GM	Kuzubov Yuriy	2623	UKR	4.5	7.0	2596
3	GM	Baklan Vladimir	2617	UKR	4.5	7.0	2498
4	GM	Halkias Stelios	2591	GRE	5.5	7.0	2560
5		Hjartarson Jóhann	2582	ISL	5.5	6.0	2686
6		Árnason Jón Loftur	2499	ISL	4.0	5.0	2520
7	m	Kristjánsson Stefán	2485	ISL	6.0	7.0	2533
8	m	Gunnarsson Jón Viktor	2422	ISL	4.5	6.0	2273
9	m	Þorfinnsson Bragi	2427	ISL	3.5	5.0	2270
10		Þórhallsson Þröstur	2388	ISL	2.0	2.0	N/A
11	m	Arngrímsson Dagur	2353	ISL	1.0	1.0	N/A

 2.deild

			Stig	Vinningar	Skákir	Frammistaða
1	m	Þorfinnsson Bragi	2427	1.5	2.0	N/A
2		Þórhallsson Þröstur	2388	2.5	5.0	2503
3	m	Arngrímsson Dagur	2353	3.0	6.0	2456
4		Gíslason Guðmundur Stefán	2295	3.5	7.0	2416
5		Einarsson Halldór Grétar	2236	3.0	7.0	2321
6		Halldórsson Guðmundur	2203	0.0	2.0	N/A
7		Örnólfsson Magnús Pálmi	2170	3.0	7.0	2233
8		Árnason Árni Ármann	2134	0.5	1.0	N/A
9		Arnalds Stefán	2005	2.0	7.0	2072
10		Daðason Guðmundur Magnús	0	2.0	6.0	2014
11		Sigurjónsson Unnsteinn	0	0.0	1.0	N/A
12		Sigurjónsson Magnús K	0	1.0	3.0	2101
13		Guðfinnsson Sæbjörn	0	0.0	2.0	N/A

 3.deild

			Stig	Vinningar	Skákir	Frammistaða
1		Guðmundsson Daði	1930	0.5	2.0	N/A
2		Gunnlaugsson Gísli	1787	3.5	7.0	1757
3		Eiríksson Víkingur Fjalar	1725	1.0	4.0	1577
4		Jónsson Jónas H	1691	2.0	5.0	1569
5		Einarsson Benedikt	1815	1.0	4.0	1535
6		Pálsson Kristján Heiðar	1338	0.5	5.0	1243
7		Sigurjónsson Unnsteinn	1970	2.5	3.0	2069
8		Sigurjónsson Magnús K	1820	1.5	4.0	1699
9		Daðason Guðmundur Magnús	1970	0.5	1.0	N/A
10		Daðason Hálfdán	1495	1.0	3.0	1540
13		Einarsson Guðmundur	0	0.5	1.0	N/A

 

 Heimasíða mótsins: http://skaksamband.is/?c=webpage&id=506

 

Guðmundur Halldórs sigurvegari á fyrsta móti ársins

19. Bolvíkingamótið haldið hjá Magnúsi Pálma

30.1.2012

	Nafn	Stig	1	2	3	4	5	6	7	Vinningar	SB	Stigabr.
1	FM Guðmundur Halldórsson	2315	*	V	0	1,5	2	1,5	1	8	44,5	-35
2	AM Halldór Grétar Einarsson	2290	T	*	,5	2	1	2	2	7,5	38	12
3	AM Magnús Pálmi Örnólfsson	2365	2	1,5	*	1	0	1	1,5	7	44,25	-40
4	FM Guðmundur Magnús Daðason	2220	,5	0	1	*	2	1	2	6,5	32,5	-3
5	Sæbjörn Guðfinnsson	2035	0	1	2	0	*	1,5	0	4,5	28,25	30
6	Magnús K Sigurjónsson	2015	,5	0	1	1	,5	*	1,5	4,5	25,75	38
7	BM Daði Guðmundsson	2040	1	0	,5	0	2	,5	*	4	22,75	8

GM=10,5  AM=9  FM=6,5  BM=3,5

Sæbjörn náði sínum þriðja BM áfanga og er því orðinn bolvískur meistari.Magnús Sigurjóns náði sínum fyrsta BM áfanga. Halldór Grétar mætti of seint og tapaði því 0-2 fyrir Gumma H. Sigurvegari tapar ekki stigum.Að lokinni taflmennsku var boðið upp á vöfflur og skoðaður sigur Gumma Gísla á Viktori Korchnoi.

Magnús Pálmi sigurvegari á heimavelli

18. Bolvíkingamótið haldið hjá Magnúsi Pálma

5.12.2011

	Nafn	Stig	1	2	3	4	5	6	Vinningar	SB	Stigabr.
1	AM Magnús Pálmi Örnólfsson	2355	*	1	1,5	2	2	2	8,5	33,25	11
2	AM Halldór Grétar Einarsson	2310	1	*	1	1,5	1	2	6,5	27	-18
3	FM Guðmundur Magnús Daðason	2215	,5	1	*	1,5	1,5	2	6,5	24,25	6
4	BM Daði Guðmundsson	2030	0	,5	,5	*	1,5	1,5	4	13,25	9
5	Árni Ármann Árnason	2020	0	1	,5	,5	*	1	3	13,25	-17
6	Gísli Gunnlaugsson	1820	0	0	0	,5	1	*	1,5	5	7

GM=9,5  AM=8  FM=6  BM=3,5

test

customer surveys

Magnús Pálmi og Halldór Grétar með stórmeistaraáfanga

17. Bolvíkingamótið haldið hjá Daða

28.11.2011

	Nafn	Stig	1	2	3	4	5	Vinningar	SB	Stigabr.
1	FM Magnús Pálmi Örnólfsson	2300	*	1	2	2	2	7	19	56
2	AM Halldór Grétar Einarsson	2230	1	*	2	2	2	7	19	80
3	FM Guðmundur Magnús Daðason	2235	0	0	*	2	1,5	3,5	4,5	-19
4	Árni Ármann Árnason	2035	0	0	0	*	1,5	1,5	1,5	-16
5	BM Daði Guðmundsson	2060	0	0	,5	,5	*	1	2,5	-32

GM=7  AM=6  FM=4,5  BM=2,5

Magnús Pálmi fékk sinn fyrsta stórmeistaráfanga og kláraði AM titlinn.

Halldór Grétar náði öðrum stórmeistaráfanga sínum.

15. &16. hraðskákæfingarnar

15.Bolvíkingamótið haldið hjá Gumma Daða

3.11.2011

	Nafn	Stig	1	2	3	4	Vinningar	SB	Stigabr.
1	FM Magnús Pálmi Örnólfsson	2285	*	3	3	3	9	45	27
2	AM Halldór Grétar Einarsson	2300	1	*	4	2,5	7,5	35,25	-14
3	FM Guðmundur Magnús Daðason	2115	1	0	*	4	5	19	13
4	BM Daði Guðmundsson	2060	1	1,5	0	*	2,5	20,25	-23

GM=10,5  AM=9  FM=6,5  BM=3

Magnús Pálmi náði sínum öðrum AM áfanga

16.Bolvíkingamótið haldið hjá Halldóri Grétari

17.11.2011

 

	Nafn	Stig	1	2	3	4	5	Vinningar	SB	Stigabr.
1	FM Guðmundur Halldórsson	2295	*	1	1,5	1	2	5,5	18,75	22
2	FM Guðmundur Magnús Daðason	2130	1	*	,5	2	2	5,5	16,75	104
3	FM Magnús Pálmi Örnólfsson	2310	,5	1,5	*	1,5	1	4,5	16,75	-12
4	BM Daði Guðmundsson	2035	1	0	,5	*	1	2,5	9,75	23
5	AM Halldór Grétar Einarsson	2285	0	0	1	1	*	2	7	-54

GM=7  AM=6  FM=4,5  BM=2

Fullkomin helgi

Það er óhætt að segja að allt hafi gengið upp hjá okkur Íslandsmeisturunum á síðustu helgi í Íslandsmóti skákfélaga. A liðið með örygga forystu, B liðið ekki í fallsæti og C liðið á góðu róli. Stefán Kristjánsson innsiglaði svo helgina með stórmeistaratitli.

TR, TV og Hellir höfðu öll styrkt sínar sveitir fyrir lok félagsskiptagluggans og því áttum við von á mikilli baráttu um Íslandsmeistaratitilinn í ár. Að vísu grunaði okkur að TR myndi ekki mæta með öll stóru nöfnin til leiks þó við byggjumst við þeim mun sterkari. Erfitt var að segja hvort Hellir myndi endurtaka leikinn frá í fyrra en öflugur kjarni Íslendinga mun ávallt gera þá að sterkum andstæðingi. TV héldum við að myndu fara "all in" eftir að hafa styrkt sig mikið með því að fá Henrik Danielsen. Vestmannaeyingar komu okkur því mest á óvart með sinni uppstillingu. Mér fannst hins vegar mjög skemmtilegt að sjá Helga og Henrik tefla hlið við hlið, afar ánægjulegt þegar mönnum tekst að slíðra sverðin og flott fyrir íslenskt skáklíf!

A liðið lagði upp með að tefla til sigurs í hverri skák, ekkert skyldi gefið eftir. Enda fór það svo að fjórir stórsigrar unnust, ekki ein einasta skák tapaðist, aðeins 9 jafntefli leyfð og forystan 8,5 vinningar. Óhætt er að segja að breiddin hafi skilað sér því neðstu fimm borðin fengu samtals 19 vinninga af 20. Algerlega mögnuð frammistaða.

B liðið háði frumraun sína í 1. deildinni og í fyrstu viðureigninni var liðið eingöngu sett saman af rótgrónum vestfirskum kjarna: Gummi Gísla, Halldór Grétar, Gummi Halldórs, Magnús Pálmi og svo bræðrasettin og frændurnir Stebbi Arnalds, Gummi Daða, Unnsteinn og Maggi Sig. Viðureignin tapaðist að vísu 8-0 fyrir A liðinu og vorum við ekki alveg sáttir að ná ekki svo mikið sem hálfum punkti. En B liðið mætti tvíeflt til leiks daginn eftir og lagði bæði Akureyringa og Fjölni að velli. Mjög mikilvægir sigrar í fallbaráttunni. Á sunnudeginum gerði sveitin svo 4-4 jafntefli við Helli sem voru líklega ein bestu úrslit einstaks liðs á helginni. Hellir var 150-200 stigum hærri á hverju einasta borði og því ljóst að frábær barátta skilaði frábærum úrslitum.

C liðið okkar virðist dæmt til að vera í nokkurs konar miðjumoði í 3. deildinni. Sveitin er ekki nógu öflug fyrir toppbaráttuna en ætti þó að vera of sterk til að falla. Mönnun liðsins getur þó valdið talsverðum sveiflum á gengi þess. Markmiðið okkar var fyrst og fremst að ná tveim sigrum og forðast þar með að sogast niður í botnbaráttuna. Það tókst og er liðið nú í 8. sæti af 16. Einn sigur í viðbót ætti að tryggja öruggt sæti í 3. deildinni.

Margs konar skemmtileg tilþrif sáust á helginni og er óhætt að segja að liðsmenn hafi skemmt sér vel á milli skáka við að stúdera og ræða skemmtileg tilþrif. Leik helgarinnar átti að mínu mati Bragi Þorfinnsson. Að vísu var leikurinn augljós en framkvæmd hans var mikið sjónarspil. Héðinn Steingrímsson hafði teygt sig of langt til sigurs á móti honum og var skyndilega óverjandi mát í tveimur leikjum. Bragi átti um eina og hálfa mínútu eftir á klukkunni en tók sinn tíma. Hann rétti vel úr sér og leit vandlega yfir allt skákborðið. Nokkrar sekúndur eftir, fullur salur af fólki. Síðan greip hann um hrókinn, tók léttan snúning með úlnliðinum og lagði hrókinn svo niður á næsta reit við hliðina. Að lokum þrýsti hann fingrinum ofurlétt á skákklukkuna og mjakaði takkanum hægt niður. Svona eiga menn að njóta augnabliksins.
Skák helgarinnar átti Halldór Grétar á móti Gylfa Þórhalls frá Akureyri. Ég held að það sé best að lýsa skákinni ekki frekar hér heldur skora bara á Halldór að birta skákina með skýringum.
Maður helgarinnar var þó klárlega Stefán Kristjánsson. Langþráðu takmarki var náð með því að hækka upp í 2500 stig og verður hann formlega útnefndur stórmeistari á næstu mánuðum. Síðasta atlaga hans byrjaði reyndar í lok september á Evrópumóti taflfélaga þar sem hann fór fyrir sveit okkar Bolvíkinga sem náði stórkostlegum árangri á mótinu, 14. sæti. Fjórir sigrar í fjórum skákum nú tryggði svo stórmeistaratitilinn og er hann virkilega vel að þessu kominn. Til hamingju Stefán!

Að lokum vil ég sérstaklega þakka öllum liðsmönnum Íslandsmeistara Taflfélags Bolungarvíkur. Liðsandinn er einstakur og menn duglegir að klappa hverjum öðrum á bakið, bæði þegar vel gengur og illa. Það var fyrst og fremst liðsheildin sem skóp þennan árangur og gerði helgina fullkomna.

Guðmundur M Daðason, formaður TB.

Árangur einstakra liðsmanna:
Loek van Wely 1,5 af 3
Yuriy Kuzubov 3,5 af 4
Vladimir Baklan 2,5 af 4
Stelios Halkias 3,5 af 4
Jóhann Hjartarson 3 af 3
Jón L Árnason 3 af 3
Stefán Kristjánsson 4 af 4
Jón Viktor Gunnarsson 3 af 3
Bragi Þorfinnsson 3 af 4
Þröstur Þórhallsson 3 af 4
Dagur Arngrímsson 3 af 4
Guðmundur Gíslason 2,5 af 4
Halldór G Einarsson 2,5 af 4
Guðmundur Halldórsson 0 af 2
Magnús P Örnólfsson 2 af 4
Árni Ármann Árnason 0,5 af 1
Stefán Arnalds 1 af 4
Guðmundur Daðason 2 af 4
Unnsteinn Sigurjónsson 2,5 af 4
Magnús Sigurjónsson 1,5 af 4
Daði Guðmundsson 0,5 af 2
Gísli Gunnlaugsson 3 af 4
Víkingur Fjalar Eiríksson 1 af 3
Jónas H Jónsson 1 af 3
Benedikt Einarsson 0,5 af 1
Hálfdán Daðason 1 af 1
Kristján Heiðar Pálsson 0,5 af 3

Taflfélag Bolungarvíkur - Íslandsmeistarar taflfélaga 2011

Frétt af Skák.is 15.9.2011: Taflfélag Bolungarvíkur vann öruggan sigur á Taflfélaginu Helli í úrslitum keppninnar sem fram fór í kvöld í Hellisheimilinu.  Lokatölur urðu 42-30 fyrir gestunum.   Það var fljótlega ljóst hvert stefndi en Bolvíkingar náðu strax forystu í fyrstu umferð og unnu allar viðureignir fyrri hlutans!  Staðan í hálfleik 25,5-10,5.  Þeir slökuðu svo heldur á síðari í hlutanum og þar höfðu Hellismenn örlítið betur.   Þetta er í annað skiptið sem Bolvíkingar hampa titlinum en þeir unnu einnig keppnina 2009.  

Guðmundur Daðason tók í leikslok kampakátur við bikarnum úr höndum Vigfúsar formanns Hellis.  Stefán Kristjánsson var bestur Bolvíkinga en Sigurbjörn J. Björnsson var bestur Hellismanna.  Bæði félögin taka þátt í EM taflfélaga sem hefst 25. september nk. 

Myndir af meisturunum væntanlegar.

Árangur Bolvíkinga:

• Stefán Kristjánsson 8,5 v. af 12
• Þröstur Þórhallsson 8 v. af 12
• Jóhann Hjartarson 7,5 v. af 12
• Bragi Þorfinnsson 7 v. af 11
• Jón Viktor Gunnarsson 6 v. af 12
• Jón L. Árnason 5 v. af 10
• Guðmundur Daðason 0 v. af 1
• Halldór Grétar Einarsson 0 v. af 2

Árangur Hellisbúa:

• Sigurbjörn Björnsson 8,5 v. af 12
• Hjörvar Steinn Grétarsson 8 v. af 12
• Björn Þorfinnsson 6,5 v. af 12
• Davíð Ólafsson 4,5 v. af 12
• Rúnar Berg 1 v. af 4
• Róbert Lagerman 0,5 v. af 9
• Omar Salama 1 v. af 9
• Gunnar Björnsson 0 v. af 1
• Vigfús 0 v. af 1 v.

Bolvíkingar unnu borgarbúa

Taflfélög Bolungarvíkur og Reykjavíkur áttust við í undanúrslitum hraðskákkeppni taflfélaga í kvöld (sunnudaginn 4. sept.). Ætlun okkar var að mæta með okkar sterkasta lið en á síðustu stundu forfölluðust Jón L og Stefán Kristjáns, auk þess sem Dagur og Elvar áttu ekki heimangengt. Arsenal tvíeykið og eðal Bolvíkingarnir Magnús Pálmi og Halldór Grétar komu í þeirra stað. Hjá TR vantaði einna helst Snorra Bergsson, sem einnig er Arsenal maður. Ég hef svo sem enga hugmynd af hverju hann komst ekki en mér finnst vel skiljanlegt að Nallarar séu hikandi við að láta sjá sig á mannamótum þessa dagana.

En hættum þessari stríðni og snúum okkar að skákinni. Við vorum með aðeins sterkara lið á pappírunum en þó var ljóst að brugðið gat til beggja vona. Eftir 3 umferðir höfðu sveitirnar unnið sitt hvora viðureignina og gert eitt jafntefli. Staðan 9-9. Þá náðum við hins vegar að síga framúr og í 6. umferð unnum við stórsigur 4,5-1,5 sem þýddi að við leiddum 21-15 í hálfleik. Við byrjuðum seinni hálfleikinn af krafti og eftir 9 umferðir höfðum við náð 11 vinninga forskoti og ljóst að mikið þyrfti að ganga á til að við myndum tapa viðureigninni. TR náði einum vinningi til baka í síðustu umferðinni og lokatölur 41-31 fyrir Íslandsmeistarana frá Bolungarvík.

Þröstur, Bragi og Jón Viktor fóru fyrir okkar mönnum en einnig átti Magnús Pálmi sterka innkomu. Hjá TR fór Daði Ómars á kostum og var t.d. ekki nema 3 mínútur að pakka mér saman í lokaumferðinni. Helgi Áss var sterkur framan af en gaf aðeins eftir í seinni umferðinni. Við þökkum TR kærlega fyrir skemmtilega viðureign og góðar móttökur. Nú bíðum við bara spenntir eftir hverjir verða andstæðingar okkar í úrslitunum.

Guðmundur Daðason, liðsstjóri.

Árangur Bolvíkinga:
Þröstur Þórhallsson 9 af 11
Bragi Þorfinnsson 9 af 12
Jón Viktor Gunnarsson 9 af 12
Jóhann Hjartarson 7 af 12
Magnús Pálmi Örnólfsson 5 af 12
Halldór Grétar Einarsson 2 af 12
Guðmundur Daðason 0 af 1

Árangur TR inga:
Daði Ómarsson 9 af 12
Helgi Áss Grétarsson 8 af 12
Arnar Gunnarsson 5 af 11
Guðmundur Kjartansson 5 af 12
Torfi Leósson 3 af 12
Júlíus Friðjónsson 1 af 5
Björn Jónsson 0 af 1
Eiríkur Björnsson 0 af 1
Ríkharður Sveinsson 0 af 6