Taflfélag Bolungarvíkur

Færsluflokkur: Bloggar

17.8.2009 | 18:06

Skákhátíðin í Bolungarvík 1.-13.september

Íslandsmeistararnir í Taflfélagi Bolungarvíkur munu standa fyrir skákhátíð í Bolungarvík 1. – 13. september. Eins og sjá má verður mikið um að vera og því má enginn láta hátíðina fram hjá sér fara!

1. - 11. september Skákþing Íslands - landsliðsflokkur
Tólf bestu skákmenn landsins berjast um Íslandsmeistaratitilinn. Allir tefla við alla og er ein skák tefld daglega. Nokkrir liðsmenn Taflfélagsins verða með, þ.á.m. Guðmundur Gíslason.

9. - 11. september Opna Bolungarvíkurmótið
Mótið er opið öllum og verða tefldar 7 umferðir. Verðlaun verða veitt í mismunandi flokkum og Skákmeistari Bolungarvíkur útnefndur. Tefldar verða 7 umferðir, 3 atskákir á miðvikudagskvöldinu, tvær lengri skákir daginn eftir og að lokum aðrar tvær á föstudeginum.

11. september Hraðskákkeppni taflfélaga - úrslitaviðureign
Úrslitaviðureign í Hraðskákkeppni taflfélaga fer fram strax að loknu Skákþingi Íslands og Opna Bolungarvíkurmótinu. Mótið hófst í byrjun ágúst og er teflt með útsláttarfyrirkomulagi. Dregið er fyrir hverja umferð hvaða sveitir tefla saman. Sex keppendur eru í hverri sveit og mun úrslitaviðureignin fara fram föstudagskvöldið 11. september eins og áður sagði.

12. september Hraðskákmót Íslands
Skákhátíð Taflfélags Bolungarvíkur endar á Hraðskákmóti Íslands. Þetta er þriðja árið í röð sem mótið fer fram í Bolungarvík. Mótið er jafnan mjög fjölmennt enda mikið lagt upp úr léttri og skemmtilegri stemmningu. Margs konar verðlaun verða í boði. Keppendur verða því án efa á öllum aldri, af mismunandi styrkleika og frá ýmsum stöðum landsins eins og venjulega!

Sunnudaginn 13. september gefst skákmönnum svo kostur á að taka þátt í golfmóti á vegum Golfklúbbs Bolungarvíkur áður en þeir halda heim á leið.

Nánari upplýsingar veitir Guðmundur Daðason í síma 844-4481 en frekari upplýsingar um tímasetningar og staðsetningu einstakra viðburða verða veittar síðar.

Bloggar | Slóð | Facebook | Athugasemdir (0)

29.6.2009 | 11:31

Skákir frá Helgarmótinu á Ísafirði og Bolungarvík 1980

Eyjólfur Ármannsson hefur skráð inn skákirnar frá Helgarmótinu á ísafirði og Bolungarvík 1980. Þær eru í meðfylgjandi pgn skrá.

Staða efstu manna var: 1-2 Helgi Ólafsson, Friðrik Ólafsson 5,5 af 6
3.-5. Jón L Árnason, Ómar Jónsson, Karl Þorsteins 5
6.-7. Margeir Pétursson, Jóhann Hjartarson 4,5
8.-15 Sævar Bjarnason, Ásgeir Þór Árnason, Jóhannes Gísli Jónsson, Róbert Harðarson, Guðmundur Gíslason, Björgvin Jónsson, Sigurður Daníerlsson, Matthías Kristinsson 4

Veljið skák (120 alls):

Bloggar | Breytt s.d. kl. 11:53 | Slóð | Facebook | Athugasemdir (0)

23.6.2009 | 11:56

Stefán til liðs við Bolvíkinga

Alþjóðlegi meistarinn Stefán Kristjánsson (2472) hefur gengið til liðs við Taflfélag Bolungarvíkur en Stefán hefur síðustu ár verið í Taflfélagi Reykjavíkur.

Bloggar | Slóð | Facebook | Athugasemdir (0)

5.1.2009 | 22:52

Jón Viktor skákmaður ársins 2008 að mati ritstjóra Skák.is

Ritstjóri Skák.is hefur venju samkvæmt gert hið árlega áramótauppgjör á bloggsíðu sinni. Að mati hans er Jón Viktor Gunnarsson skákmaður ársins 2008, Hallgerður Helga Þorsteinsdóttir skákkona ársins, Hjörvar Steinn Grétarsson efnilegasti skákmaður ársins og Taflfélag Bolungarvíkur skákfélag ársins.

Uppgjörið, sem er skrifað í léttum dúr, má finna í heild sinni á bloggsíðu ritstjóra

Bloggar | Slóð | Facebook | Athugasemdir (1)

28.9.2008 | 21:11

Taflfélag Reykjavíkur Hraðskákmeistari taflfélaganna

Hraðskáksveit Taflfélags Reykjavíkur

Hraðskáksveit Taflfélags Bolungarvíkur (á myndina vantar Magnús Pálma)

Sveit Íslandsmeistara Taflfélags Reykjavíkur sigraði sveit Taflfélags Bolungarvíkur 40½-31½ í úrslitum Hraðskákkeppni taflfélaga sem fram fór í félagsheimili TR í dag. Þetta er sjötti sigur TR í þessari 14 gömlu keppni og þar af þriðji sigurinn í röð.

Skipan sveitanna og árangur var eftirfarandi:

Taflfélag Reykjavíkur

1. SM Þröstur Þórhallsson 8,5 v af 12
2. AM Stefán Kristjánsson 6,5 v af 12
3. AM Arnar E. Gunnarsson 9 v af 12
4. Snorri G. Bergsson 6,5 v af 12
5. Guðmundur Kjartansson 4,5 v af 12
6. Bergsteinn Einarsson 0 v af 3
7. SM Helgi Áss Grétarsson 4,5 v af 8
8. Daði Ómarsson 1 v af 1

Taflfélag Bolungarvíkur

1. SM Jón L. Árnason 7 v af 12
2. AM Jón V. Gunnarsson 8 v af 12
3. AM Bragi Þorfinnsson 6,5 v af 12
4. AM Dagur Arngrímsson 3,5 v af 11
5. Guðmundur Gíslason 4 v af 11
6. Elvar Guðmundsson 2,5 v af 6
7. Halldór G. Einarsson 0 v af 3
8. Magnús P. Örnólfsson 0 v af 4

Bloggar | Breytt s.d. kl. 21:14 | Slóð | Facebook | Athugasemdir (0)

12.9.2008 | 01:59

Frækinn sigur Taflfélags Bolungarvíkur á Taflfélaginu Helli í undanúrslitum Hraðskákkeppni Taflfélaga !

Taflfélag Bolungarvíkur vann frækinn sigur á Taflfélaginu Helli í mögnuðum undanúrslitaleik sem fram fór í húsnæði SÍ í kvöld. Lokatölur urðu 37-35 Bolvíkingum í vil en jafnt var í hálfleik 18-18 og aftur jafnt 30-30 þegar tveimur umferðum var ólokið. Bolvíkingar unnu næstsíðustu viðureignina 4-2 og náðu svo jafntefli í æsispennandi lokaviðureign 3-3 sem tryggði sigurinn. Jón Viktor Gunnarsson og Bragi Þorfinnsson drógu vagninn fyrir Bolvíkinga en frammistaða Elvars Guðmundssonar var einnig mjög góð. Framstaða Hellismanna var mun jafnari en þar fengu Jóhann Hjartarson og Ingvar Þór Jóhannesson flesta vinninga.
Í hinni undanúrlitaviðureigninni vann Taflfélag Reykjavíkur öruggan sigur á Skákfélagi Akureyrar 53-19.

Það verða því Íslandsmeistararnir í Taflfélagi Reykjavíkur sem etja kappi við Taflfélag Bolungarvíkur í Bakkavíkursalnum föstudagskvöldið 19.september n.k. Úrslitaviðureignin er hluti af Hraðskákhátíð á Bolungarvík sem fram fer þá helgi. Á laugardeginum verður svo Íslandsmótið í hraðskák einstaklinga haldið á sama stað. Núverandi Hraðskákmeistari Íslands er Arnar Gunnarsson Taflfélagi Reykjavíkur.

Árangur Bolvíkinga:

    * Jón Viktor Gunnarsson 10 v. af 12
    * Bragi Þorfinnsson 10 v. af 12
    * Elvar Guðmundsson 7 v. af 12
    * Jón L. Árnason 6 v. af 12
    * Dagur Arngrímsson 2 v. af 11
    * Guðmundur S. Gíslason 2 v. af 12
    * Halldór Grétar Einarsson 0 v. af 1

Árangur Hellisbúa:

    * Jóhann Hjartarson 7 v. af 11
    * Ingvar Þór Jóhannesson 7 v. af 12
    * Róbert Lagerman 6 v. af 9
    * Björn Þorfinnsson 5½ v. af 12
    * Sigurbjörn Björnsson 4 v. af 10
    * Magnús Örn Úlfarsson 3 v. af 10
    * Hjörvar Steinn Grétarsson 2 v. af 4
    * Sigurður Daði Sigfússon ½ v. af 4

Bloggar | Slóð | Facebook | Athugasemdir (0)

27.4.2008 | 21:06

Hraðskákæfing Taflfélags Bolungarvíkur

Hraðskákæfing Taflfélags Bolungarvíkur fór fram samhliða Landsmótinu á sunnudeginum.

	Nafn	1	2	3	4	5	6	Vinningar
1	Halldór Grétar Einarsson	*	1	2	1	2	2	8
2	Guðmundur Magnús Daðason	1	*	1,5	1,5	1	2	7
3	Stefán Andrésson	0	,5	*	1	2	1	4,5
4	Guðmundur Stefán Gíslason	1	,5	1	*	0	1,5	4
5	Magnús K Sigurjónsson	0	1	0	2	*	1	4
6	Unnsteinn Sigurjónsson	0	0	1	,5	1	*	2,5

Bloggar | Slóð | Facebook | Athugasemdir (0)

31.3.2008 | 23:00

Nokkrar skákir Bolvíkinga úr ÍS 2007-2007

http://install.c.is/skak/tfd.htm

Bloggar | Slóð | Facebook | Athugasemdir (0)

16.3.2008 | 12:06

Íslandsmót skákfélaga 2007-2008 pistill

Fyrir keppnina í vetur var ákveðið að styrkja 2.deildar sveitina verulega og koma inn með b-sveit í 4.deild.

Við fengum til liðs við okkur í 2.deild lettneska stórmeistarann Normunds Miezis (2505), portúgalska alþjóðameistarann Diego Fernando (2444) og hinn sænska Ludvig Sandström (2357). Einnig skiptu yfir til okkar nokkrir íslenskir skákmenn sem hafa sterk tengsl við Bolungarvík. Þetta voru Elvar Guðmundsson (2355) og Árni Ármann Árnason (2090) sem unnu í fiski á Bolungarvík á sínum unglingsárum og fengu kennslu í skák frá heimamönnum. Einnig Guðmundur Halldórsson (2265) sem bjó á Ísafirði og var lengi formaður Skáksambands Vestfjarða.

Í fjórðu deild lögðum við áherslu á að fá að skákborðinu þá skákmenn sem kenndu okkur ungu mönnunum hvernig á að tefla skák. Í framtíðinni sjáum við fyrir okkur að þeir geti verið kjarninn í 4.deildar sveit sem yrði samsett af reyndum skákmennum í bland við unga efnilega skákmenn frá Bolungarvík. Gömlu refirnir: Daði Guðmundsson, Hjörleifur Guðfinnsson og Jón Eðvald Guðfinnsson

2.deild

Við byrjuðum með stæl í annari deild og eftir fyrri hlutann í haust var nokkuð ljóst að engin önnur sveit ætti roð við okkur. Í seinni hlutanum í byrjun mars var síðan haldið á sömu braut og öruggur sigur með 33,5 vinninga af 42 möguleikum vannst. Næsta sveit og sú sem fylgir okkur upp í fyrstu deild var b-sveit Taflfélags Reykjavíkur með 27,5 vinninga. Lettneski stórmeistarinn Normunds Miezis leiddi sveitina eins og herforingi og stóð sannarlega undir væntingum og endaði með 6,5 vinninga af 7. Elvar Guðmundsson kom líka sterkur inn og halaði inn 3,5 vinningum af 4 á þriðja borði. Aðrir sveitameðlimir stóðu sig líka mjög vel.

Bo.		Name	RtgI	RtgN	FED	1	2	3	4	5	6	7	Pts.	Rp	rtg+/-
1	GM	Miezis Normunds	2509	0	LAT	1	1	1	1	1	½	1	6,5	2486	8,6
2		Gislason Gudmundur	2331	0	ISL	1	1	0	1	½	½	½	4,5	2171	-16,5
3	FM	Gudmundsson Elvar	2318	0	ISL	1	1			1	½	-	3,5	2293	3,2
4		Halldorsson Gudmundur	2264	0	ISL	0		1	0	½	1	½	3,0	1964	-12,4
5	FM	Einarsson Halldor	2272	0	ISL	½	1	1	1	1	1	1	6,5	2274	10,8
6		Ornolfsson Magnus P	2208	0	ISL	1	1	1	½	1	½	1	6,0	2159	2,8
7		Arnason Arni A	2139	0	ISL		1	1	+				3,0	0	0,0

Nánar á: http://taflfelagbolungarvikur.blog.is/blog/taflfelagbolungarvikur/entry/475976/

4.deild

Sveitin hafði forristu eftir fyrri hlutann, en staðan var mjög jöfn og allt gat gerst. Í seinni hlutanum settu veðurguðirnir strik í reikninginn og tveir lykilmenn í sveitinni þeir Magnús Sigurjónsson og Suðureyringurinn Sigurður Ólafsson voru veðurtepptir fyrir vestan alla helgina. Guðmundur Gíslason frá ísafirði var líka veðurtepptur, en það skipti minna máli því hann tefldi á 2.borði í a-sveitinni í 2.deild þar sem við vorum nokkuð öruggir. Þetta voru þrjá umferðir sem um ræðir og fékkst frestun hjá skákstjórum á þær með vísan í reglur sem heimila frestun ef um samgönguerfiðleika er að ræða. Þetta féll í misjafnan jarðveg hjá andstæðingum okkar. Þegar upp var staðið var staðan sú að Haukar c-sveit vars efst með 27,5 vinninga og 10 stig og Hellir d-sveit var önnur með 27,5 vinninga og 9 stig. Við vorum með 24,5 vinninga og sex frestaðar skákir. Tvö efstu liðin fara upp í fjórðu deild. Það var því ljóst að við þyrftum að minnsta kosti þrjá vinninga úr þessum sex skákum til að fara upp um deild. Við áttum frestaðar skákir á móti Fjölni b-sveit, KR b-sveit og Sauðarkrók. Skákstjórar ákváðu að teflt yrði næstu helgi á eftir (7.-9.mars). KR-ingar ætluðu fyrsta að kæra frestunina, en hættu við þegar þeir sáu að enginn grundvöllur var fyrir því og ákváðu að tefla. Sauðarkrókur sætti sig illa við frestunina, enda um langan veg fyrir þá að fara og erfitt að fá viðkomandi liðsmenn til að mæta. Endaði með því að þeir ákváðu að mæta ekki. Við höfðum verið búnir að vinna fjórar skákir af sex helgina áður og endaði því viðureignin 6-0 fyrir okkur. Fjölnismenn gátu ekki mætt, en buðu upp á jafntefli í báðum skákunum í stað þess að fresta þyrfti þeim frekar. Á það féllumst við og sú viðureign endaði 4-2 fyrir Fjölni. Þá var ljóst að einungis yrðu tefldar tvær skákir við KR b-sveit og fóru þær skákir fram á laugardeginum. Við vonuðumst eftir góðum úrslitum þar til að sanna að þó við hefðum fengið vinninga gefins þá værum við ótvíræðir sigurvegarar.

4.borð: Magnús Sigurjónsson - Kristinn Þ Bjarnason: 1/2 - 1/2

5.borð: Sigurður Ólafsson - Grímur Ársælsson: 1-0

Það gekk eftir, við unnum KR b-sveit 3,5-2,5 og lokastaðan í 4.deild varð:

1. Taflfélag Bolungarvík b-sveit 29 vinninga af 42 mögulegum 11 stig

2. Haukar c-sveit 27,5 vinningar 10 stig

3. Taflfélagið Hellir d-sveit 27,5 vinningar 9 stig

Við unnum fimm viðureignir, gerðum jafntefli á móti Víkingasveitinni og töpuðum einungis fyrir Fjölni b-sveit. Sveitirnar í 2. og 3. sæti unnum við 4-2 og 4,5-1,5.

Gummi og Stebbi stóðu í stórræðum við liðstjórn og hafði það áhrif á árangur þeirra. Daði og Effi komu mjög sterkir inn. Daði vann sínar þrjár skákir og Effi fékk 1,5 af 2 m.a. mjög mikilvægan vinning í næst seinustu umferð. Aðrir stóðu sig mjög vel m.a. Suðureyringurinn Sigurður Ólafsson sem fékk 2,5 af 3, Gísli Gunnlaugsson frá Búðadal sem fékk 4 af 5.

Bo.	Name	RtgI	RtgN	FED	1	2	3	4	5	6	7	Pts.
1	Arnason Arni A	2139	0	ISL							1	1,0
3	Dadason Gudmundur Magnus	0	1980	ISL	1	1	½	0	0	1	½	4,0
4	Arnalds Stefan	0	1935	ISL	1	1	1	1	0	1	0	5,0
5	Gudfinnsson Saebjorn	0	1900	ISL		1		½				1,5
6	Sigurjonsson Magnus K	0	1885	ISL	1	½	½	½	½		½	4,5
7	Olafsson Sigurdur	0	1965	ISL	1				½	+	1	3,5
8	Gunnlaugsson Gisli	1837	0	ISL			½	1	1	1	½	4,0
9	Gudmundsson Dadi	0	1965	ISL	1	1	1					3,0
10	Gislason Gudjon J	0	1615	ISL		0						0,0
11	Gudfinnsson Hjorleifur	0	1410	ISL	1			0	0			1,0
12	Gudfinnsson Jon	0	0	ISL			½			1		1,5