Spennan magnast

Þá eru línur örlítið teknar að skýrast. Jón Viktor er efstur með 4 vinninga af 5 og þarf hann því 3 vinninga úr síðustu 4 skákunum til að ná áfanga að stórmeistaratitli. Hann fær Ivanov með hvítu í næstu umferð og mun án efa tefla til vinnings. Bragi er hálfum vinning á eftir og því aðeins brattari brekka framundan fyrir hann. Bragi hefur hins vegar átt fínar skákir, t.d. vann hann Þröst nokkuð sannfærandi. Hann hefur hvítt á Miezis í 6. umferð og mun væntanlega tefla til sigurs eins og Jón Viktor. Bæði Bragi og Jón verða samt ennþá í möguleikum ef þeir gera jafntefli þannig að þeir munu passa sig á að taka ekki óþarfa sénsa á móti stórmeisturunum.

Ingvar heldur áfram að koma skemmtilega á óvart og og þarf líklega 2,5 vinning úr síðustu 4 skákum til að ná áfanga að alþjóðlegum titli. Þettu verður hins vegar mjög langur dagur hjá honum á morgun þar sem hann teflir líka í Haustmóti TR. Það er rétt að hvetja skákáhugamenn að kíkja við í Skákhöll TR annað kvöld. Flott mót í gangi þar.

Dagur og Jakob Vang Glud eiga ennþá möguleika á áföngum en það eru eiginlega bara fræðilegir möguleikar sýnist mér. Svo er ekki hægt að útiloka Róbert reynslubanka Lagerman. Sá banki verður seint gjaldþrota!

Nánari úrslit má finna á tenglunum hér að neðan og svo eru beinu útsendingarnar komnar í gang. Einnig er hægt að finna pgn skrár með skákum fyrstu umferða.

Sjáumst í Síðumúla 37!

Gummi

Nokkur orð eftir 3. umferð alþjóðlega mótsins

Þetta verður í styttra lagi í kvöld þar sem ég er einn heima með tvö eldri börnin. Sendi konuna til Svíþjóðar með það yngsta. Vil nota tækifærið og þakka tengdó kærlega fyrir að hugsa um börnin allan sunnudaginn og talsvert í dag líka. Það er gott að eiga góða að, munið það góðir hálsar!

Jón Viktor er greinilega ákveðinn í að næla sér í áfanga, orðinn einn efstur með fullt hús og lagt tvo vini sína að velli. Hann er reyndar pínu óheppinn í 4. umferð því hann mætir ekki stórmeistara. Til þess að ná áfanga að stórmeistaratitli þarf að mæta öllum þrem stórmeisturunum í mótinu og líklega ná 7 vinningum af 9. Spurning hvort 6,5 gætu dugað. En Jón á samt enn mjög góða möguleika á að mæta þeim öllum.

Bragi, Björn og Dagur eru allir með 2 vinninga þannig að þeir eiga líka allir ágæta möguleika á stórmeistaraáfanga. Ingvar er sömuleiðis með tvo vinninga og því í góðum málum með að ná áfanga að alþjóðlegum meistaratitli. Það eru minni kröfur til að ná þeim áfanga.

Þetta skýrist væntanlega allt betur eftir morgundaginn. Þá verða komnar skýrari línur í hverjir eiga raunhæfa möguleika á að krækja í áfanga. Gert er ráð fyrir að sýna nokkrar skákir í beinni útsendingu á netinu frá og með morgundeginum. Það jafnast samt ekkert á við að mæta á staðinn og sjá kappanna í eigin persónu.

Bestu kveðjur,

Gummi

 

skak.is

Chess results

Útgáfufélagið Sögur er styrktaraðili mótsins.

Pistill eftir 1. umferð alþjóðlega mótsins

Það er alltaf ákveðinn léttir þegar 1. umferð klárast. Hvorugur skákstjórinn gat verið í dag og því skiptum ég og Magnús Pálmi vaktinni með okkur. Gunnar Björnsson var með símann á sér ef eitthvað skildi koma uppá. Bjössi náði hádegisflugi frá Vestmannaeyjum og komst því í tæka tíð fyrir kl. 14 með skákskriftarblöðin í annarri hendi og nafnspjöld keppenda í hinni. Seinka varð skákinni hans Ingvars og hófst hún í þann mund sem öllum öðrum skákum lauk. Þetta var því langar dagur fyrir afleysingaskákstjórana! Aðstæður á skákstað eru góðar, vel rúmt um keppendur og flott aðstaða fyrir áhorfendur að sitja og skeggræða um stöðurnar og málefni líðandi stundar.

En þá að skákunum.  Stórmeistararnir Miezis og Ivanov komust ekki fyrr en í kvöld og fá því báðir "bye" í 1. umferð, þ.e. þeir fá hálfan vinning án þess að tefla. Þetta er mjög vel þekkt fyrirkomulag á erlendum mótum en hugsanlega í fyrsta skiptið sem þetta er gert á Íslandi! Jón Viktor, Bragi og Dagur unnu svo kallaða skyldusigra, lögðu stigalægri andstæðinga nokkuð örugglega að velli. Alltaf gaman að fylgjast með Degi tefla, sóknin í fyrirrúmi og mikið að gerast á hans skákum. Bjössi vann líka sína skák en samt ekki eins sannfærandi. Staðan var mjög flókin og Jóhann fórnaði hrók og manni fyrir mátsókn. Bjössi var búinn að vera í tímapressu allmarga leiki en náði að koma kóngnum í skjól. Jóhann endaði með að falla á tíma þegar hann fann ekki leið til að halda mátsókninni áfram. Róbert gerði öruggt jafntefli með svart en Þröstur náði aðeins jafntefli með hvítu. Andstæðingur Þrastar sagðist ekki hafa teflt á svona móti í 12 ár og var bara sáttur með skákina. Soren var reyndar manni yfir en Þröstur sótti stíft og endaði skákin á þrátefli.

Menn dagsins voru Stefán Bergsson og Ingvar Þór. Stefán virtist ekki fá góða stöðu úr ítalska leiknum en hann tefldi miðtaflið vel. Hann saumaði jafnt og þétt að Silas Lund og í endataflinu hafði Stefán drottningu og 2 peð á móti hróki og 3 peðum. Staðan var hins vegar þannig að Silas gat stillt upp miklum varnarmúr og þurfti ýmsar tilfæringar til að brjóta hann á bak aftur. Ég og Rúnar Berg gátum ekki betur séð en að Stefán hefði átt að svíða stöðuna hægt og koma Silasi í leikþröng. Stefán lék hins vegar af sér peði og eftir það var staðan steindautt jafntefli. Ingvar byrjaði daginn á að gera jafntefli við Lenku í Haustmóti TR. Úr TR skákhöllinni þaut Ingvar upp í Bridgesamband og settist að tafli við Daniel Semcesen, sem hafði fallist á að byrja skákina kl. 17. Þegar Ingvar kom hafði hann þegar tapað talsverðum tíma. Hann tefldi hins vegar fína skák og þrátt fyrir að tefla marga leiki undir lokin í mikilli tímapressu náði hann að bæta stöðuna jafnt og þétt. Daniel gafst upp þegar hrókur var að falla í valinn og var það svo ein erfiðasta bílferð sem ég hef farið, þegar ég skipuleggjandinn sem talaði Daniel inná að seinka skákinni, keyrði hann heim. En Daniel var nú samt aðallega ósáttur við sína eigin taflmennsku.

2. umferð hefst kl. 11 í Bridgesambandinu Síðumúla 37. Tvær Íslendingaviðureignir vekja strax sérstakan áhuga minn, Björn - Jón Viktor og Dagur - Bragi. Allir fjórir ætla sér að næla í áfanga að stórmeistaratitli og verða því að gjöra svo vel og vinna! Dagur vann Braga með hvítu í Landsliðsflokknum og rauk Bragi á dyr eftir þá skák. Er stund hefndarinnar runnin upp?

Úrslit 1. umferðar og pörun 2. eru hér að neðan. Skákirnar eru ekki sýndar beint þannig að það er um að gera að mæta og fylgjast með.

Skákkveðja, Gummi formaður og afleysingaskákstjóri þegar mikið liggur við.

 

Útgáfufélagið Sögur er styrktaraðili mótsins.

 

Pörun 2. umferðar: 

Name	Res.	Name
Bjorn Thorfinnsson	-	Jon Viktor Gunnarsson
Dagur Arngrimsson	-	Bragi Thorfinnsson
Normunds Miezis	-	Ingvar Thor Johannesson
Silas Lund	-	Jakob Vang Glud
Mikhail M Ivanov	-	Stefan Bergsson
Robert Lagerman	-	Throstur Thorhallsson
Soren Bech Hansen	-	Daniel Semcesen
Nikolai Skousen	-	Johann Ingvason
Jorge Rodriguez Fonseca	-	Halldor Einarsson

 

Úrslit 1. umferðar:

Name	Res.	Name
Skotta I	½  -  ½	Normunds Miezis
Jakob Vang Glud	½  -  ½	Robert Lagerman
Ingvar Thor Johannesson	1  -  0	Daniel Semcesen
Jon Viktor Gunnarsson	1  -  0	Nikolai Skousen
Skotta II	½  -  ½	Mikhail M Ivanov
Throstur Thorhallsson	½  -  ½	Soren Bech Hansen
Halldor Einarsson	0  -  1	Dagur Arngrimsson
Bjorn Thorfinnsson	1  -  0	Johann Ingvason
Stefan Bergsson	½  -  ½	Silas Lund
Bragi Thorfinnsson	1  -  0	Jorge Rodriguez Fonseca

 

Alþjóðlegt mót Taflfélags Bolungarvíkur og Útgáfufélagsins Sögur

 

Daganna 20-24.september fer fram alþjóðlegt skákmót á vegum Taflfélags Bolungarvíkur. Tilgangur mótsins er að gefa íslenskum skákmönnum tækifæri til að berjast um áfanga að alþjóðlegum titlum.

Um er að ræða hálfopið mót og er gert ráð fyrir að keppendur verði að hámarki 24 talsins. Alls hafa 20 skákmenn staðfest þátttöku sína, þar af 8 útlendingar.

Pörun og úrslit / Pairing and results

Skákir (pgn)  / Games (pgn)

Upplýsingar / Info

Dagskrá mótsins er á þessa leið:

1.umferð - sunnudaginn 20.september kl.14.00

2.umferð - mánudaginn 21.september kl.11.00

3.umferð - mánudaginn 21.september kl.17.00

4.umferð - þriðjudaginn 22.september kl.11.00

5.umferð - þriðjudaginn 22.september kl.17.00

6.umferð - miðvikudaginn 23.september kl.11.00

7.umferð - miðvikudaginn 23.september kl.17.00

8.umferð - fimmtudaginn 24.september kl.11.00

9.umferð - fimmtudaginn 24.september kl.17.00

Eins og dagskráin ber með sér er taflmennskan ansi stíf en slíkt fyrirkomulag er farið að tíðkast á mörgum mótum erlendis.

Skráðir keppendur:

	Titill	Nafn	Stig	Land
1	GM	Normunds Miezis	2558	LAT
2	IM	Jakob Vang Glud	2476	DEN
3	FM	Daniel Semcesen	2465	SWE
4	IM	Jon Viktor Gunnarsson	2462	ISL
5	GM	Mikhail M. Ivanov	2459	RUS
6	GM	Throstur Thorhallsson	2433	ISL
7	IM	Dagur Arngrimsson	2396	ISL
8	FM	Bjorn Thorfinnsson	2395	ISL
9	IM	Silas Lund	2392	DEN
10	IM	Bragi Thorfinnsson	2360	ISL
11	FM	Robert Lagerman	2351	ISL
12	FM	Ingvar Thor Johannesson	2323	ISL
13		Nikolai Skousen	2286	DEN
14	FM	Sören Bech Hansen	2284	DEN
15	FM	Halldor Gretar Einarsson	2255	ISL
16		Johann Ingvason	2119	ISL
17		Stefan Bergsson	2070	ISL
18		Jorge Fonseca	2018	ESP

Daði Guðmundsson Bolungarvíkurmeistari 2009

Daði Guðmundsson varði 29 ára gamlan Bolungarvíkurmeistaratitil sinn í kvöld með því að vinna Unnstein Sigurjónsson í úrslitaskák. Jöfn og hörð keppni var um sigur í mótinu og réðu ungu mennirnir ekkert við öldunginn og læriföðurinn.

 

               Nafn                       AtStig    Vinningar    SB
1    Daði Guðmundsson           1950         8,5          42,5
2    Unnsteinn Sigurjónsson     2020         8,5         38,25
3    Stefán Arnalds                  1810          8           35
4    Halldór Grétar Einarsson    2040          8           34,5
5    Guðmundur M Daðason     2060           7          30,5
6    Magnús K Sigurjónsson     1900         6,5         29,75
7    Sigurður Ólafsson             1895         6,5         26
8    Gísli Gunnlaugsson            1810          5          15
9    Einar Garðar Hjaltason      1620         3,5         7,75
10    Sigurður J Hafberg          1865         3            8
11    Óskar Elíasson                1570         1,5         4,25
12    Jakub Kozlowski                0            0            0

Töfluna með einstökum úrslitum má sjá á: http://install.c.is/bolungarvik2009/opbol09.htm 

 

Halldór Grétar Einarsson Golfhraðskákmeistari Íslands 2009

 

Mótið fór fram í ágætis veðri. Þó var strekkings vindur sem reikna þurfti með. 

Þátttökurétt áttu allir þeir sem tóku þátt í Hraðskákmóti Íslands deginum áður.

1. Halldór Grétar Einarsson   32 punkta

2. Unnsteinn Sigurjónsson 31 punkta

3. Jóhann Ævarson 29 punkta

4. Sigurður Ólafsson 25 punkta

5. Jón L Árnason 9 punkta

 

Sjá nánar á www.golf.is -> Mót -> Golfklúbbur Bolungarvíkur -> Sparisjóðsmótið

Arnar Gunnarsson Íslandsmeistari í hraðskák 2009

Arnar E. Gunnarsson sigraði á Hraðskákmóti Íslands sem fram fór í Bolungarvík í dag.  Arnar hlaut 10,5 vinning í 13 skákumen mótið var afar vel skipað.  Annar varð stórmeistarinn Jón L. Árnason með 10 vinninga og þriðji varð Andri Áss Grétarsson með 9 vinninga.  Í sætum 4.-11. urðu svo keppendur úr landsliðsflokki.  

Magnús Pálmi Örnólfsson varð efstur heimamanna (innfæddra), Jorge Fonseca fékk verðlaun undir 2200 skákstigum, Unnsteinn Sigurjónsson fékk verðlaun undir undir 2000 skákstigum og Sigurður Jóhann Hafberg fékk verðlaun undir 1800 stigum.   Russel Sayon, Ingólfur Daði Guðvarðarson og Jakub Kozlowski fengu unglingaverðlaun.

Öll úrslit má nálgast á Chess-Results.

Lokastaðan:

 

Rank		Name	Rtg	Pts
1	IM	Arnar Gunnarsson	2443	10½
2	GM	Jon L Arnason	2491	10
3	FM	Andri A Gretarsson	2328	9
4	IM	Jon Viktor Gunnarsson	2462	8½
5	FM	Ingvar Thor Johannesson	2323	8
6	IM	Dagur Arngrimsson	2396	8
7	FM	David Olafsson	2327	8
8	IM	Bragi Thorfinnsson	2360	8
9	FM	Gudmundur Kjartansson	2413	8
10	FM	Sigurbjorn Bjornsson	2287	7½
11		Magnus P Ornolfsson	2214	7½
12		Unnsteinn Sigurjonsson	1960	7
13		Gudmundur Gislason	2348	7
14	FM	Elvar Gudmundsson	2314	7
15		Jorge Rodriguez Fonseca	2018	7
16		Omar Salama	2272	7
17	FM	Halldor Einarsson	2255	7
18		Sigurdur Olafsson	2050	7
19		Sigurdur Johann Hafberg	0	7
20	FM	Robert Lagerman	2351	6½
21		Magnus Sigurjonsson	1825	6½
22		Magnus Matthiasson	1876	6½
23		Einar Gardar Hjaltason	1655	6½
24		Arni A Arnason	2142	6½
25		Gudmundur Dadason	1980	6½
26		Dadi Gudmundsson	1950	6
27		Gisli Gunnlaugsson	1843	6
28		Johann Aevarsson	0	6
29		Russel Sayon	0	4
30		Ingolfur Dadi Gudvardarson	0	4
		Jakub Kozlowski	0	4
32		Thorgeir Gudmundsson	0	2
33		Piotr Treichel	0	1

 

Taflfélag Bolungarvíkur Íslandsmeistari taflfélaga í hraðskák

Íslandsmeistarar Taflfélags Bolungarvíkur unnu nauman sigur á Taflfélaginu Helli í úrslitum Hraðskákkeppni taflfélaga sem fram fór í Bolungarvík í kvöld.  Úrslitin urðu 39,5-32,5 eftir að staðan hafði verið 19-17 í hálfleik fyrir heimamönnum.  Þröstur Þórhallsson fékk fullt hús gestgjafanna en Sigurbjörn Björnsson var bestur Hellismanna.

Árangur Bolvíkinga:

• Þröstur Þórhallsson 10 v. af 10
• Jón Viktor Gunnarsson 7,5 v. 10
• Guðmundur Gíslason 5,5 v. af 9
• Dagur Arngrímsson 5,5 v. af 11
• Bragi Þorfinnsson 4,5 v. af 9
• Jón L. Árnason 4 v. af 9
• Magnús Sigurjónsson 1 v. af 2
• Unnsteinn Sigurjónsson 1 v. af 3
• Magnús Pálmi Örnólfsson 0,5 v. af 3
• Daði Guðmundsson 0 v. af 1
• Gísli Gunnlaugsson 0 v. af 2
• Elvar Guðmundsson 0 v. af 3

Árangur Hellismanna:

• Sigurbjörn Björnsson 7,5 v. af 12
• Andri Áss Grétarsson 5,5 v. af 12
• Ingvar Þór Jóhannesson 5 v. af 12
• Róbert Lagerman 4,5 v. af 10
• Davíð Ólafsson 4,5 v. af 12
• Omar Salama 4,5 v. af 12
• Gunnar Björnsson 1 v. af 2

Opna Bolungarvíkurmótið í skák 2009

Staðan eftir fyrri hluta (5.umferðir)

Tefldar eru 11 umferðir 15mín skákir.

              Nafn                                AtStig    Vinningar
1    Guðmundur Magnús Daðason     2060        4,5
2    Daði Guðmundsson                   1950        4
3    Halldór Grétar Einarsson            2040        4
4    Magnús K Sigurjónsson              1900       3,5
5    Stefán Andrésson                      1810       3
6    Unnsteinn Sigurjónsson             2020        2,5
7    Sigurður Ólafsson                     1895        2,5
8    Einar Garðar Hjaltason              1620        2,5
9    Gísli Gunnlaugsson                   1810        2
10    Sigurður Jóhann Hafberg         1865        1
11    Óskar Elíasson                        1570        0,5
12    Jakub Kozlowski                      0             0

Töfluna með einstökum úrslitum má sjá á: http://install.c.is/bolungarvik2009/opbol09.htm

Þátttakendalisti í Hraðskákmóti Íslands 2009

Þátttakendur í Hraðskákmóti Íslands  (staða að morgni fimmtudags)

SM Jón L Árnason 2505

SM Henrik Danielsen 2473

AM Jón Viktor Gunnarsson  2462

SM Þröstur Þórhallsson  2433

AM Guðmundur Kjartansson  2413

AM Dagur Arngrímsson  2396 

AM Bragi Þorfinnsson 2377

FM Róbert Lagerman  2351

Guðmundur Gíslason  2348

FM Andri Áss Grétarsson 2328

FM Davíð Ólafsson 2327

FM Ingvar Þór Jóhannesson 2323

FM Elvar Guðmundsson 2314

FM Sigurbjörn Björnsson 2287

Omar Salama 2272

FM Halldór Grétar Einarsson  2225

Magnús Pálmi Örnólfsson  2214

Sigurður Ólafsson  2050

Guðmundur Daðason  1980

Unnsteinn Sigurjónsson  1960

Daði Guðmundsson  1950

Stefán Arnalds  1930

Sigurður Hafberg 1865

Magnús Sigurjónsson  1825

Gísli Gunnlaugsson  1815

Ólafur Ásgrímsson  1670

Einar Garðar Hjaltason 1655

Óskar Elíasson 1595

Jakub Kozlowski